გამოქვეყნდა მეორე  ტრეილერი ფილმისა "პედინგტონი”, რომელიც მაიკლ ბონდის მიერ 1958 წელს შექმნილი პერსონაჟის ირგვლივ ტრიალებს და მიჰყვება მის მოგზაურობას პერუდან ლონდონამდე, სადაც პატარა დათუნიას ნამდვილი სახლი ეგულება. როცა აღმოაჩენს, რომ პედინგტონის სადგურზე დაიკარგა, მიხვდება, რომ ოცნების ქალაქი სინამდვილეში ისეთი არაა, როგორიც წარმოედგინა. მოულოდნელად ყველაფერი იცვლება. დათვს პოულობს ბრაუნების ოჯახი. ისინი ნახულობენ იარლიყს, რომელზეც წერია: "გთხოვთ, იზრუნოთ ამ დათუნიაზე. გმადლობთ”. სწორედ ამის შემდეგ იწყება პატარა არსების ბედნიერი და ცოტა უცნაური ცხოვრება.

ფილმში ჰოივუდის A კლასის მსახიობები მონაწილეობენ, მათ შორის ნიკოლ კიდმანი .

ფილმი მსოფლიო ეკრანებზე 16 იანვარს გამოვა .