1945 წლის აპრილი. ომში გამოცდილი სერჟანტი მეტსახელად Wardaddy („ომის მამა") ტანკს Sherman და მის ხუთკაციან ეკიპაჟს მეთაურობს . მესამე რაიხი ინგრევა, მაგრამ გერმანელი მეომრები ისევ აგრძელებენ წინააღმდეგობას. ტანკის ეკიპაჟი ერკინება ,მეტი ძალების მქონე , მოწინააღმდეგეს და ნაცისტური გერმანიისთვის შიგ გულში დარტყმის მიყენებას გმირულად ცდილობს .

ფილმის რეჟისორი - დევიდ ეიერი ამბობს, რომ ფილმი სისასტიკითაა სავსე და, ყველა მსგავს ნამუშევართან შედარებით, რომანტიკა მინიმუმამდეა დაყვანილი. მას მაქსიმალურად რეალისტიკური ფილმის შექმნა სურდა. ამიტომ, გადასაღებ მოედანზე ნამდვილი შერმანის ტანკები და ყველა საჭირო აღჭურვილობაა იმისათვის, რომ სურათი ნამდვილს დაემსგავსოს.

ტანკები და უნიფორმები მეორე მსოფლიო ომის ყველაზე დიდი კოლექციიდან ითხოვეს. გამოყენებული ისტორიული ნივთების ჯამური ღირებულება 12 მილიონი დოლარია.  "რისხვა” ნამდვილ Tiger-ტანკში ვითარდება. ტანკების ეს გამოშვება მეორე მსოფლიო ომშიც კი უიშვიათესი იყო, ვინაიდან მათი რაოდენობა მხოლოდ 1400-ს ითვლიდა.

ფილმში, მსახიობების გარდა, ბრიტანელი სამხედროები და ყოფილი ჯარისკაცები მონაწილეობენ.

რაც შეეხება მსახიობებს - ფილმში ნამდვილი ჰოლივუდური ვარსკვლავთცვენაა. ბრედ პიტი , ლოგან ლერმანი , შია ლაბაფი , ჯიმ პარრაკი და სხვები ...

Fury / რისხვა  კინოგაქირავებაში 17 ოქტომბერს გაეშვება

ახლა კი გთავაზობთ ფილმის მეორე ოფიციალურ ტრეილერს და  სურათებს: